Feathers-lede kuier weer saam

Lede van die Feathers voëlklub in Parys het gedurende Oktober ‘n plaas anderkant Vredefort besoek waar hulle 66 voëlspesies aangeteken het. Dit was ‘n besondere goeie uitstappie en die klub sal beslis weer later daar gaan kuier.
Aangesien daar geen byeenkoms of uitstappie vir Desember is nie, het belangstellendes nog een kans hierdie jaar om ‘n Feathers byeenkoms by te woon. Tydens die November-byeenkoms, Donderdag, 24 November om 18:30 by Sally Martin Park se saal, sal Fanie en Tertia Pretorius hul foto’s wys en daaroor kom gesels. Na afloop van hul praatjie sal daar saam koffie gedrink en gekuier word om dankie te sê vir dit wat klublede die afgelope jaar kon sien en beleef. Bring jou eie beker saam.
Onthou ook dat daar geen uitstappie gedurende November sal wees nie. Vir navrae oor Feathers skakel Hansie Bekker by (056) 811 4754 of 082 820 4306, of Peter Killian by 083 625 8100).