Johanne Bester wat sedert Dinsdag 3 Mei vermis was is Vrydagaand 8 Mei gevind.
Dit is nog onduidelik waar Bester was in die tydperk. Die familie is oorstelp dat sy veilig tuis is.
Christel Steyn, Bester se tannie, het op Facebook gepost, “Dankie Here Johannè is veilig!!! Hulle het haar nou net By die huis aan gebring! Hallelujah prys ons Koning! Dankie vir elke persoon se ondersteuning deur gebed!”
“Op hierdie stadium het ons nog nie al die antwoorde van die situasie en die besonderhede van die “waar, hoekom , wanneer en wie” nie. Ons groot fokus is dat sy veilig vir ons terug gebring is en om die “healing process” te kan begin deur ons Vader se genade,” het Steyn gesê toe daar vir meer inligting gevra is.
