Egpaar kry borg ná Valke arrestasie
Die Valke het vanoggend (Woensdag, 21 September) die Potchefstroomse sakeman, Ben Otto en sy vrou, Hannetjie, in hegtenis geneem vir beweerde finansiële ongerymdhede van etllike miljoene. Die egpaar is op borgtog van R10 000 elk vrygelaat ná hul verskyning in die Potchefstroomse landdroshof op klagte van bedrog en geldwassery. Otto word daarvan verdink dat hy …
Die Valke het vanoggend (Woensdag, 21 September) die Potchefstroomse sakeman, Ben Otto en sy vrou, Hannetjie, in hegtenis geneem vir beweerde finansiële ongerymdhede van etllike miljoene.
Die egpaar is op borgtog van R10 000 elk vrygelaat ná hul verskyning in die Potchefstroomse landdroshof op klagte van bedrog en geldwassery.
Otto word daarvan verdink dat hy glo met sy onderneming, RSA Search, oor die 150 mense met miljoene rande ingedoen het. Daar is in Desember 2021 ‘n groepsgeding klagte teen Otto by die Valke ingedien.
Otto se maatskappy, RSA Search, was ‘n soekenjin vir verblyf en is in Junie 2020 gelikwideer. Hy word daarvan beskuldig dat hy ‘n piramideskema bedryf het, maar volgens hom is dit nie waar nie.
Otto het in 2020 aan die Potchefstroom Herald, Parys Gazette se susterskoerant, genoem dat sy onderneming, RSA Search, gelikwideer is weens die staat van inperking wat erge gevolge vir sy besigheid gehad het.
