Chaos met wind en brande
Mense is gewaarsku om nie oop vure te maak in winderige weersomstandighede nie. Dit skep ’n baie groot brandgevaar.
Benewens die uitdagings van fase 6 beurtkrag het die wind wat met tye teen ’n windspoed van tot 37km/h gewaai het, vanoggend behoorlik chaos in Parys gesaai.
Die konsternasie het na 11:00 begin toe ’n mini-substasie in Uniestraat gebrand het wat inwoners in dié omgewing, ná beurtkrag, weer sonder krag gelaat het.
Die mini-substasie in Uniestraat wat gebrand het. Foto: Security Master.
Verskeie bome in die dorp het ook omgewaai en is kragdrade afgeruk, onder meer in Kortstraat agter Dome Primary School.
Foto’s: Marinda Matthysen Engelbrecht, Hoopvol
In Eerstelaan het ‘n kragopwekker aan die brand geraak in ’n motorhuis, en het daar terselfdertyd ook ’n brand ontstaan in ‘n motorhuis op die h/v Tweedelaan en Delverstraat. Beide brande is gou onder beheer gebring.
Foto: WeCare
H/v Tweedelaan en Delverstraat. Foto: Security Master
Die brand by ‘n huis in Eerstelaan. Foto’s: WeCare
Wees asseblief baie versigtig om geen oop vure te maak in winderige omstandighede nie. Dit skep ‘n baie groot brandgevaar.
Dankie aan Parys Medix, WeCare, die Ngwathe Branweer, Security Master, Parys Sekuriteit, CSS Sekuriteit en Nel’s Security wat vinnig hulp verleen het by die mini-substasie en persele waar dit gebrand het.