Hierdie kombers kan joune wees!!!

Hierdie ongelooflike mooi en kleurvolle hangemaakte kombers waaraan soveel mense met liefde gehelp brei of hekel het, kan joune wees. En dit vir net R30.
Gou maak – koop voor 24 September jou lootjiekaartjie teen net R30 by Anna Patat in Parys se hoofstraat, want nie net staan jy ‘n kans om te wen nie – jou bydrae help die Emunah Foundation in Parys.
Emunah bied ‘n tydelike huis van liefde vir weggooi babas, maar ook kinders wat net die skadukant van die lewe ken. Sommige wie se ouers hulle nie meer wil hê nie. Ander verwaarloos of mishandel. Geen kind word ooit weggewys nie. Maatskaplike werkers en die owerhede wat genoodsaak is om kinders tydelik uit hul omstandighede te verwyder, maak gebruik van fasiliteite soos Emunah waar kinders tydelik geplaas kan word terwyl die nodige prosedures gevolg word.
Een van hierdie kinders is Omri wat by Emunah geplaas is as plek van veiligheid.
Hy sal op 22 September een jaar oud wees. Omri het al voor die ouderdom van vyf maande begin sukkel om te sluk en het steeds ‘n voedingsbuis omdat hy nie in staat is om self te kan eet of drink nie. Hierbenewens het hy verskeie ander gesondheidsuitdagings en moet hy nou toetse ondergaan om vas te stel of hy die ernstige hartkondisie, Tetralogy of Fallot (TOF) het.
Die toetse sal bepaal of hy kwalifiseer vir versorging by die Butterfly Home wat kyk na babas soos Omri wat spesiale gesondheisbehandeling nodig het.
Die toetse is egter geweldig duur.
Jy kan Emunah en Omri help deur die lootjietrekking te ondersteun. Koop jou lootjiekaartjie by Anna Patat.

Die wenlootjie word op 24 September getrek, of jy kan ‘n bydrae direk maak in Emunah se rekening. Die rekeningbesonderhede is: Emunah Foundation NPC, rekeningnommer 042317983, takkode 051001.