Man op N1 gearresteer vir ongelisensieerde vuurwapen

Sers. Josephine Rani, polisiewoordvoerder vir die Fezile Dabi-distrik, sê lede van die K9-eenheid in Sasolburg het Vrydag ‘n voertuignagaanpunt op die N1 beman toe ‘n verdagte voertuig opgemerk is wat in die rigting van Gauteng onderweg was.
Die voertuig is deursoek en daar is beslag gelê op ‘n 9mm pistool en ammunisie.
Die 40-jarige verdagte is in hegtenis geneem.
Hy het Maandag, 8 Augustus in die landdroshof in Parys verskyn, het sers. Rani gesê.