Magdom Coke, water, piesangs, aartappels en ‘bier’ wag op Comrades-atlete
Daar is slegs 18 dae oor voor vanjaar se Comrades Marathon en terwyl atlete besig is om hul laaste voorbereiding vir die wedloop te doen, is die Comrades reëlingskomitee tans besig om te verseker dat die watertafels langs die roete toegerus is met 'n verskeidenheid verversings.
Talle langafstand atlete ook van Parys, sal aan vanjaar se Comrades-marathon deeneem.
Die 95ste Comrades Marathon vind op 28 Augustus plaas.
Dit sal die 47ste “af-wedloop” wees, wat beteken dat die wedloop by Pietermaritzburg se stadsaal sal begin en by die Moses Mabhida Stadion in Durban eindig.
Atlete het 12 uur om die 89.885km tussen Pietermaritzburg en Durban af te lê.
Om atlete langs die pad te help is daar altesaam 43 waterpunte langs die roete.
Die watertafels langs die roete sal volgens die Comrades Marathonvereniging met die volgende verversings toegerus wees:
Coke: 30,350 liter
Fanta / Crème Soda:10,650 liter
Coke papierbekers (175ml): 450,000
Thirsti-watersakkies:1.9 million
Isofit-sakkies (Isofit is ‘n sportdrankie): 475,000
Asemzansi Amahewu: 45 000
Bavaria 0.0% Bier :10,000 x 150ml blikkies
Gekookte aartappels: 1 ton
Piesangs: 9 ton
Lemoene: 4.5 ton
