Komende Saterdag, 13 Augustus, speel beide Hoërskool Parys se o.14- en o.15-rugbyspanne in die Noordvaal semi-finaal ná hul skitterende vertoning verlede naweek in Pietersburg op die rugbyveld.
Die skool se o.14-span het verlede naweek die span van Northern Academy in Polokwane met ‘n telling van 36-7 gewen, terwyl die o.15’s met ‘n telling van 38-12 gewen het.
Die o.14-span speel komende Saterdag 13 Augustus teen Allen Glen in Roodepoort om 08:00, en die o.15’s teen Hoërskool Patriot van Witbank op Parys se tuisveld om 11:00.

Kom ondersteun ons seuns wat die seisoen Parys se naam hoog gehou het op die rugbyveld. Toegang is gratis. Kom ons wys hierdie seuns Parys staan agter hulle!