Lede van die polisie se Openbare Orde Polisiëring eenheid het die afgelope naweek ‘n wakende oog help hou in die Tumahole-woonbuurt waar bande gebrand, klippe in die pad gepak en skade aan die munisipale kantore in Tumahole aangerig is.

In die Mandela-woongedeelte was die situasie  gespanne met sowat 200 jeugdiges wat die pad versper het.

Paaie is versper.

Bande gebrand.

Die munisipale kantore in Tumahole is gevandaliseer.

‘n Man wat skade aan sy voertuig gekry het as gevolg van  klippe wat in die pad gepak is deur ontevredenes oor die kragkrisis, word hier deur omstanders gehelp.

Die hele Parys, Schonkenville en Tumahole is sedert Vrydag 1 Julie sonder krag.

Tenkwaens het onder die wakende oog van die polisie in en uit die woonbuurt beweeg om Jo-Jo tenks vol te maak, en was daar polisie-teenwoordigheid by openbare vergaderings wat in die woonbuurt gehou is om met die gemeenskap te praat oor die kragkrisis.

Hoewel die situasie kalm was by die gemeenskapsvergaderings was dit ook hier duidelik dat mense nie tevrede is met die krag- en waterkrisis nie.

En dan was daar ook die entrepreneurs wat dadelik ‘n sake-geleentheid gesien het en water verkoop het.

The copyright to this information resides with The Parys Gazette and may be shared as a link to the original or refence to the author but may not be copied without the explicit permission of the author.