Parys Gazette se redaksie het die hartseer nuus van Chris Koch se afsterwe, Woensdag 29 Junie, gekry, ná die plasing van ‘n berig in vandeesweek se Gazette wat hy nog as voorsitter van die Bond van Oudpolisiebeamptes in Parys bygewoon het. Ons innige medelye met sy vrou, Vivienne en die familie.

Met die Bond se laaste saamkuier het Chris as voorsitter van die Bond van Oudpolisiebeamptes in Parys ‘n sertifikaat aan Blackie Swart oorhandig as lewenslange lid van die Bond. Daar was ook ‘n woord van welkom aan nuwe lede, Cor en Susan Swanepoel, en Blackie en Annatjie Swart.

Die Bond sien om na die welsyn van sy lede, en is daar gereeld byeenkomste waar lede gesellig saam verkeer. Enige oudlede wat in die polisiediens gedien het, kan aansoek doen vir lidmaatskap tot die Bond.