Uiteindelik ná 817 dae kan Suid-Afrikaners ook hul gesigmaskers weggooi.

Dit is amptelik. Van Woensdagaand 22 Junie, het jy nie meer nodig om ‘n gesigmasker te dra nie. Ook nie binnenshuis nie.

Daar is ook nie meer beperkings op saamtrekke nie, en die Covid-regulasies vir mense wat die land binnekom se inentingstatus, word met onmiddellike effek opgehef. Die regulasies wat vroeër hiermee gehandel het is met ‘n kennisgewing in die staatskoerant herroep.