![](https://images.caxton.co.za/wp-content/uploads/sites/116/2022/06/facebook_1655922252135_6945441325820223720-2-780x470.jpg)
Die 5-jarige Marno Muller is laat vanmiddag, Woensdag 22 Junie, uit die Netcare Garden City-hospitaal in Johannesburg ontslaan. Bykans ‘n maand ná sy fratsongeluk op ‘n glyplank by sy skool in Brakpan, slaap dié rooikopseuntjie wat diep in mense se harte gekruip het, weer in sy eie bedjie.
Dokters is só tevrede met sy vordering dat hy ook nie meer nodig het om na ‘n rehabilitasiesentrum te gaan nie. Hy sal wel as buite-pasiënt gaan vir spraak- en fisioterapie.
Daar is ‘n glimlag op die klein gesiggie wie se lewe getuig van ‘n groot wonderwerk en die krag van gebed. Hy loop en eet weer – maar meer nog, hy is by die huis by sy gesin.
Dankie vir elkeen wat saam gebid het vir klein Marno, en vir elkeen wat die gesin ondersteun het, in besonder die nie-winsgewende organisasie Hemelse Perels.