Die polisie soek steeds na die 4 verdagtes wat vanoggend, Vrydag 3 Junie, minute voor 07:00 ‘n 50-jarige man in Sasolburg gekaap het.
Die man se vrou en kind was saam met hom in die motor en het hulle by ‘n kiosk gestop om iets te koop, sê kapt. Malebo Khosana, polisiewoordvoerder vir die Fezile Dabi-distrik.
Nadat die man uit die voertuig geklim het, het vier Zoelo-sprekende mans hom genader en ‘n vuurwapen op hom gerig.
Hy is met die vuurwapen geslaan en deur die verdagtes in sy motor se kattebak ingedwing.
Sy vrou het egter by die kapers gepleit om hom te laat gaan, en het die mans toe die gesin gelos en met die voertuig weggery .
Enigeen wat moontlik die wit X5 BMW met registrasienommer HTB 145 FS sou sien, is deur die polisie gevra om knst. Kgaugelo Muvhongo te skakel by 076 791 5740 of die MySAPS selfoontoepassing te gebruik vir anonieme inligting.
