Só kan jy jou afval sorteer

Maar wat behels droë en nat produksortering waarna verlede week in Gazette verwys is toe berig is oor herwinning?
Droë produkte sal byna alle soorte papier, karton, boeke, gedrukte of wit papier, servette, sneesdoekies, koerante en vele meer insluit.
Jammer genoeg vorm verpakkingsmateriaal die grootste deel van die gemors op strate en sluit selofaan, sagte plastiek, plastiekbakkies, plastieksakke en borrelplastiek in.
Glas word tans redelik herwin en sluit in koeldrank-, drank, mayonnaise, tamatiesous en ander tipe souse, babakos en konfytbottels in.
Wanneer hierdie bottels vir herwinning gelewer word, moet dit verkieslik heel gelewer word.
Metaalhouers soos koeldrankblikkies, ingelegde vrugte en groente, konfythouers, aluminiumbakke, aluminiumfoelie en ander verpakkingsmateriaal word ook herwin.
Al die genoemde produkte is deel van die droë produkte wat herwin en weer verwerk word.

Rekenaar- en selfoontoerusting word ook onder droë afval gesorteer, terwyl selfs motoronderdele soos die plastiese modderskerms, stampers en binne panele herwin en verwerk kan word.
Plastiekbottels vir onder meer melk, melkprodukte, koeldrank, kookolie en water word tans die meeste hier versamel en verwerk.
Skoonmaakmiddel- en wasmiddelhouers van plastiek word ook herwin.
Plastiese lepels, messe en vurke, asook koffiehouers van polistireen het waarde en word verwerk as droë afval.
Hierbenewens word ook staal, motoronderdele, veselglas, speelgoed, CD houers en houtafval by droë produkte ingesluit.
Nat produkte sal omtrent alles insluit wat voedsel, tuinverwant of babadoeke en sanitêre afval behels.
Meeste hiervan kan egter as kompos of sogenaamde “black soil” verwerk word, en word deur munisipale vullisverwyderingspersoneel na vullisstortingsterreine geneem.