Die wenners van die gesogte Ingrid Jonker: L’art Poétique-digkompetisie is Vrydag (13 Mei) in Kaapstad bekendgemaak.
Dié kompetisie is vir die eerste keer in 2019 toegeken en na Ingrid Jonker vernoem vir haar bydrae tot letterkunde asook haar veg vir menseregte.
Oud-inwoner van Parys, Zalman S. Davis, het dié kompetisie in 2019 begin met die hoop om digters ‘n platform vir hulle werk te gee. Davis is ‘n bekroonde uitgewer.
Die wenner van die 2021-kompetisie is Marius Coetzee met sy gedig “Tyd”. Die bekende misdaadskrywer, Christelle van Rooyen-Wessels, en Deniel Barry, vrou van Frazer Barry, het onderskeidelik tweede en derde plek verwerf.
Deelnemers wat die kortlys behaal het, is soos volg (in geen spesifieke volgorde):
Carla Botha
Willem de Swyger
Steven Bresler
Floris Van Zyl
Marieta McGrath
Christo Meyer
Corné Kloppers
Santjie Aucamp
Tilla Diedericks
Faeez Samuels
Peter Louw
Elna Kruger
Deserisé Cocklin-Viljoen
Helena Mellet
Dié wenners en deelnemers se werk word eersdaags in die kompetisiebundel opgeneem.
*Die deelnemers ontvang deelnemersertifikate, en die wenner ‘n kontantprys, publikasiekontrak vir eie digbundel, trofee en boekprys. Die tweede en derde plek ontvang onderskeidelik ‘n kontantprys en sertifikaat.