![](https://images.caxton.co.za/wp-content/uploads/sites/116/2022/04/IMG621019.20220425.11H03-780x470.jpg)
Die Feathers voëlklub kom weer Donderdag, 28 April om 18:30 by die Sally Martin Park-saal byeen. Interessante besprekings sal by die geleentheid gehou word, en foto’s van ons geveerde vriende vertoon word.
Daar is ‘n groot verskeidenheid voëls in en om Parys, en dit sluit ook vreemde besoekers in.
Verlede maand is die Europese Koekoek opgemerk met die klub se uitstappie na Breathe River Lodge. Hierdie voël is nie altyd in ons omgewing te sien nie.
Almal wat belangstel in voëlkyk word vriendelik genooi om die klubbyeenkomste by te woon.
Saterdag, 30 April kuier klublede op Rietpoort, net buite Parys op die Potchefstroom pad.
Op uitnodiging van mnr. Gert Prinsloo gaan klublede poog om die Rietpoort-voëlspesielys uit te brei.
Belangstellendes vertrek om 06:30 vanaf die Pick n Pay parkeerterrein.
Bring jou piekniekmandjie, voëlboek, verkyker en kamera saam.
Almal is welkom.
Vir meer inligting oor Feathers skakel Hansie Bekker by (056) 811 4754 of 082 820 4306, of Peter Killian by 083 625 8100.