‘n Agtste sluis by die Vaaldam sal vanmiddag, Woensdag 20 April, om 12:00 oopgemaak word.

Dit nadat daar gister, Dinsdag 19 April, ook twee sluise oopgemaak is, en vyf sluise verlede week al oopgetrek is.

Vaaldam is tans 116,55% vol en Bloemhof 105,93%. Vaaldam laat tans water uit teen 1 354,11 kubieke meter per sekonde, en Barrage teen 1 747,67 kubieke meter per sekonde.

Bloemhofdam se uitvloei word vandag verhoog na 1 600 kubieke meter per sekonde vanaf 12:00. Mense stroomaf teen die rivieroewer is gewaarsku dat watervlakke sal styg. Hou in gedagte dat vandat Vaaldam sluise ooptrek, vat dit ongeveer ses ure vir die water om tot by Barrage te kom, en dan nog ‘n verdere ses ure tot by Parys.