Eskom het reeds vanmiddag, Maandag 11 April gewaarsku dat die kragnetwerk onder groot druk is en dat daar nou krag gespaar moet word om die ligte aan te hou. Foute by vier van die kragreus se opwekkingseenhede en die skiellike koue weerstoestande kan veroorsaak dat beurtkrag dalk op kort kennisgewing toegepas sal moet word. Eskom het gesê dat die druk op die kragnetwerk waarskynlik vir die res van die week sal voortduur, so sit maar af wat jy kan.