Ngwathe burgemeester, rdl Victoria de Beer, het Donderdag 24 Maart, harte aangeraak toe sy ‘n besoek aan gestremde kinders van die Tumahole Selfhelp Association for the Disabled gebring het. Sy het tyd saam met hulle spandeer en diep in die harte van hierdie kinders gekruip.
Daarna het sy ook die middag ‘n verrassingsbesoek gebring aan Epilepsie SA se Vrystaat/Noordwes-sentrum in Parys waar vrywilligers uit die gemeenskap elke week ‘n uurlange kunsklas aanbied vir inwoners van dié sentrum. Vir hierdie inwoners is die kunsklas baie nodige terapie. Maar dit gaan oor meer as terapie. Dit gaan oor mense se uitreik na ander. Mense wat hul tyd en omgee gee.
 Die materiaal vir die kunsklasse kom meestal uit hierdie vrywilligers se eie sakke, of word geskenk deur mense uit die gemeenskap. Victoria het saam met die vrywilligers tyd by elkeen van hierdie inwoners spandeer. Dankie vir soveel omgee, want soms is jou tyd die kosbaarste geskenk wat jy vir iemand kan gee.
 
 
 
