Drie mense het gisteraand kort voor middernag op die R30 tussen Bothaville en Allanridge gesterf, en drie ander passasiers is nie ernstig beseer nie, na twee voertuie die pad verlaat en in die water van ‘n pan langs die pad beland het. Duikers sou vanoggend weer die water fynkam om seker te maak dat daar nie nog liggame of voertuie in die water is nie.

Dit volg nadat daar ook Donderdagaand 17 Maart ‘n motor in die water langs dié pad beland het. Niemand is egter toe beseer nie.

Gisteraand se botsing bring die dodetal op die gedeelte van die pad sedert dit vroeg in Februarie oorstroom het, reeds op minstens 10 te staan.