Die Valke se eenheid vir Ernstige Georganiseerde Misdaad in die Vrystaat, het nog ‘n deurbraak in die vlaag van onwettige mynbou aktiwiteite in die provinsie gemaak, nadat die 30-jarige Douglas Tebogo Ngobeni, ook bekend as Wonder Msimango, homself Dinsdag 22 Februarie oorgegee het aan die Valke.
Dit volg nadat die Valke reeds 8 ander verdagtes vir die klagtes gearresteer het op 15 November 2021
Ngobeni het op Woensdag 23 Februarie voor die Welkomse landdroshof verskyn op klagte van onwettige mynbou aktiwiteite, geldwassery, diefstal en korrupsie., het Valke-woordvoerder, kapt. Christopher Singo gesê.
.
Die Valke se eenheid vir Ernstige Georganiseerde Misdaad in die Vrystaat, het in Julie 2018 begin met optrede om onwettige myners in die Welkom en Thabong areas vas te trek.
Dit blyk dat die sindikaatlede wat deel is van die onwettige mynaktiwiteite, ook besigheidseienaars insluit wat onwettig handel dryf met die goudstof wat gekry word en dan weer aan onwettige kopers verkoop word, en dat van uitlanders gebruik gemaak word as Zama-Zamas.
Ngobeni sal weer op Woensdag 2 Maart voor die hof verskyn vir ‘n formele borgaansoek.
At Caxton, we employ humans to generate daily fresh news, not AI intervention. Happy reading!
