Die vrou wat Dinsdagoggend (25 Januarie) deur drie honde verskeur is, is tans besig om in die Chris Hani Baragwanath hospitaal in Soweto aan te sterk.

Dupuo Kokolosi (47) se gesig is vermink, haar bo-lip sowel as dele van haar neus en ore is afgeskeur. Haar linkeroog is ook ernstig beseer.

Alma McGill, ‘n bemarkingsbestuurder van Johannesburg het oor die voorval gelees, waarna sy besluit het om vir Kokolosi te probeer help. Volgens McGill sit die voorval baie finansiële druk op Kokolosi se gesin omdat sy die enigste broodwinner is.

Nadat sy van die voorval gelees het, het sy in met Kokolosi se dogter Patricia Modise in kontak gekom. McGill het ‘n ‘BackaBuddy‘ fondsinsameling projek geloots om die gesin by te staan.

Enige iemand wat ‘n donasie aan die fonds wil maak kan die skakel volg.

https://www.backabuddy.co.za/dupuo-kokolisi

Kokolosi was glo besig om wasgoed op te hang by die huis waar sy werk toe die honde haar begin aanval het. Bure het haar noodkrete gehoor waarna hulle gaan ondersoek instel het. Een van die buurmanne het gesien hoe die honde haar aanval. Die ander buurman het die honde noodgewonge geskiet. Die eienaar van die honde en Kokolosi se wergewer het tot op hede geen kommentaar oor die voorval gehad nie.