Graad 1 leerlinge van Parys Primêre skool is sommer al klaar tuis in die klaskamer. Die nuwelinge het vanoggend, Dinsdag 12 Januarie, ‘n draai by die skool gemaak waar hul eerste skooldag foto’s geneem is, en hul touwys gemaak is in die klas voordat die skole amptelik môre, Woensdag 13 Januarie heropen vir die 2022 skooljaar.
Carike Badenhorst en Hecter van der Westhuizen op hul eerste skooldag.
Om jou kind vir die eerste keer in die skool te hê is ‘n groot en trotse oomblik vir elke ouer. Stuur vir ons jou graad 1’tjie se eerste skooldagfoto na gazettenuus@gmail.com of whatsapp die foto na 060 690 7591 en ons plaas dit graag vir jou op Parys Gazette se webblad heeltemal gratis.
