Vroeër was die gesig van matrikulante wat vroegoggend in koerante na hul matriekuitslae gesoek het, ‘n bekende gesig.

2021 Matrikulante sal hul uitslae op 22 Januarie by hul onderskeie skole kry en sal uitslae nie in die media bekend gemaak word nie.

Die departement van onderwys het in ‘n verklaring bekendgemaak dat almal die reg op privaatheid het. Ingevolge die Wet op die Beskerming van Persoonlike Inligting sal die matriekuitslae daarom nie meer in die media bekendgemaak word nie, het die departement Maandagaand gesê.