Parysenaars trap vir wenplekke by Tour de Parys
Die Tour de Parys #1  interprovinsiale fietswedren is die afgelope naweek deur Anatomic by die Ride Arena aangebied met verskeie klasse waaraan deelgeneem kon word. Met rondtes wat uit 4,2km bestaan het, kon ingeskryf word vir die Sub Junior Boys (3 rondtes), Youth Boys (4 rondtes), Junior Men (5 rondtes), Sub Junior Girls (2 rondtes), Youth Girls (3 rondtes), Junior Women (4 rondtes) en die Primary School Race (1 rondte). Fietsryers van sover as Gauteng, Noordwes en die Vrystaat het deelgeneem.
Caroline van der Linde van Parys het die Youth Girls wedren gewen terwyl Ruan van Pletzen tweede in die laerskool wedren was. Ander Parys kinders wat deelgeneem het was Jonty Griesel, Sean van Pletzen, Wian Bornman, Ruben Kruger en Chentin Minie.