Op die vooraand van die Desember-vakansie wanneer baie motoriste die langpad aandurf vir ‘n welverdiende ruskans, gaan petrol jou sak behoorlik skud.

Petrol word Woensdag 81c per liter duurder. Dit beteken dat as jy Januarie 2021 se petrolprys vir 93 oktaan vergelyk met Desember 2021 se prys vir 93 oktaan, jy nou  ‘n skokkende R5,41 per liter meer sal betaal. 

Diesel se groothandelprys word verhoog met 72,5c. Paraffienpryse styg met 42,2c per liter en vloeibare petroleumgas word R1,83 per kilogram duurder.