Terwyl daar reeds aanduidings is dat ‘n vierde vlaag Covid-19 gevalle aan Gauteng se deur klop, is dit duidelik dat syfers van nuwe bevestigde gevalle stadig maar seker styg. SA se syfer het vanoggend 687 nuwe infeksies getoon met 2 sterftes. In die Fezile Dabi-distrik waarvan die Ngwathe  (Parys, Vredefort, Koppies, Heilbron en Edenville )munisipaliteit deel is, was daar vir die tydperk 19 tot 22 November 5 nuwe gevalle wat nog baie laag is.

Van die 5 gevalle is 2 iegter n Parys aangemeld, 2 in Viljoenskroon en 1 in Sasolburg.    

   Moet asseblief nie jou waaksaamheid verslap nie. Dra jou masker ter wille van jouself en was en saniteer jou hande gereeld. Hou sosiale afstand en onthou – selfs al is jy ge-ent teen Covid-19 kan jy steeds die virus kry. Moet ook nie nalaat as jy die Pfizer-entstof ontvang het, om te gaan vir jou tweede inenting nie. Hier is vandeesweek se inentingskedule