Nadat die Gazette die naweek berig het oor die stopteken in Waterstraat naby die Klipspruit Mall wat net-net kop bo water gehou het nadat sy paal in ‘n gat weggesak het, is die padpredikant vanoggend (Maandag 25 Oktober) vroeg uit die gat gehelp deur lede van AfriForum Parys.
AfriForum se plaaslike tak het dadelik oor die naweek op die berig op Parys Gazette se web- en Facebook-blad gereageer en onderneem om die stopteken vandeesweek nog te herstel.
Die gat waarin die stopteken ingesak het, is veroorsaak nadat herstelwerk vroeër hier deur die munisipaliteit aan ‘n waterlek gedoen is. Dankie aan AJ Lock & Key en Ntsu wat bygedra het vir die materiaal om die gat te kon toemaak, en AfriForum-lede wat gratis die herstelwerk gedoen het.
Dit is ook AfriForum lede wat al verskeie verbleikte en afwesige stoptekens in die dorp vervang het wat ‘n groot gevaar vir motoriste skep. As jy weet van afwesige stoptekens laat weet asseblief die adres sodat werk gemaak kan word hiervan.
