Nie net bring die dorp se parkrun talle parkrun toeriste as besoekers na die dorp nie, maar is dit ook parkrun vrywilligers wat week na week sorg dat die parkrun roete langs die Vaalrivier-oewer skoongehou word. Mense wie geen vergoeding ontvang nie, maar wat hul liefde vir parkrun uitleef met meer as net hul deelname. Die afgelope naweek het 77 parkrunners aan die Egweni River Lodge parkrun deelgeneem, en sal die Ngwathe munisipaliteit nou sy kant moet bring om aandag te gee aan ’n mangat in Grewarlaan wat gereeld oorloop. Die mangat deksel is skeef en wil dit lyk asof die grond om die mangat insak. Die mangat is langs die parkrun-roete.

Die mangat langs die roete wat sporadies oorloop, sal egter dringende aandag van die munisipaliteit moet kry. Mangate wat oorlop skep gereeld probleme in die dorp soos wat verlede week ook in die nywerheidsgebied van Parys gesien is. Foto: Verskaf