Onthou jy het nog tot vanmiddag 17:00 (Saterdag 18 September) en ook môre, Sondag 19 September geleentheid om seker te maak jy is geregistreer vir die komende munisipale verkiesing op 1 November. Dit is veral belangrik vir mense wat van adres verander het of wat sedert die laaste verkiesing 18 jaar oud geword het. Al 75 stemlokale in die 19 wyke van die vyf Ngwathe dorpe is oop oor die naweek.
Gaan maak seker al jou inligting is korrek op die kiesersrol. Dit is ook belangrik dat jy jou ID dokument sal saamneem. Die registrasie van spesiale stemme open op Maandag 20 September en sluit op 4 Oktober. Onthou ook dat jy ook aanlyn kan seker maak dat jou besonderhede reg is en jy wel geregistreer is vir die komende verkiesing.
Gaan na https://registervote.elections.org.za/Welcome Hoewel daar hier en daar ‘n haakplek was by van die stemlokale wat Gazette vroegoggend besoek het, was almal wat besoek is betyds oop.
Sommige stil, maar ander reeds van 08:00 af al besig, die koue en wind ten spyt.
