Die Verkeersdepartement se lisensie- en toetsstasie in Vredefort is tans van Maandae tot Vrydae van 07:30 tot 13:00 (vir finansiële transaksies) en tot 14:00 (vir nie-finansiële transaksies) oop. Met die uitsondering van padwaardigheidstoetse, word alle lisensiëringstransaksies sowel as leerling- en bestuurstoetse by die kantoor gedoen, sê Hilary Mophethe, woordvoerder van die Vrystaatse Departement van Polisie, Paaie en Vervoer.

Die kantoor was vir lank gesluit nadat die rekenaars in 2019 uit die gebou gesteel is. Die rekenaars was gekoppel aan die eNaTis-verkeersstelsel wat beheer word deur die Road Traffic Management Corporation (RTMC). Die kantoor kon eers einde 2020 weer heropen nadat daar vroeër nie fondse was om die rekenaars te vervang nie.