Parys spog met nie minder nie as ses van sy veerpyltjiespelers wat gekies is om die Fezile Dabi-streekspan by die SA Nasionale Veerpyltjie kampioenskappe te verteenwoordig.
Die spelers is Ockert Grobler, Dries van Straaten, Rynhard Malan, Glen van den Berg, Cornea Viljoen en Charmain Coetzee. Die kampioenskappe sal in Oktober in Bloemfontein gehou word.
Boonop is Cornea ook gekies om die Vrystaat Provinsiale Vrouespan, en Ockert die Vrystaat Provinsiale Meestersspan by die SA-kampioenskappe te verteenwoordig.
Die veerpyltjiespelers oefen elke Woensdagaand om 18:00 by hul nuwe klubhuis by Off Road Sport Bar op die Fochville-pad (waar die wit vliegtuig staan). Alle belangstellende veerpyltjiespelers, van jonk tot oud, is welkom om te kom saam speel. Vir veerpyltjie navrae skakel Ockert by 072 344 7867.
