Kleuters en ouers van El Sali Kleuterskool het na inwoners van Epilepsie SA se Vrystaat/Noordwes-sentrum uitgereik met penne, verf en kwaste wat aan die sentrum geskenk is vir gebruik in die terapieklasse vir verswakte inwoners. Dit wat nie in die terapieklasse gebruik kan word nie, sal gebruik word vir die kunsklasse wat deur 2 vrywilligers op Donderdae vir die inwoners aangebied word. As jy penne, potlode, kryte, verf, gom, plakkate en klei het wat jy kan skenk, kan jy dit by die sentrum in Boomstraat aflaai, of skakel Chané by 060 635 3017. Op die foto is Annelie Magnus van Elsali, saam met Feroudja Baleh, ’n versorger by Epilepsie SA wat met die verswakte inwoners werk.