AfriForum Parys sal hierdie komende naweek (Saterdag 17 April) weer help om slaggate in Parys se strate te herstel, en afwesige en verbleikte stoktekens te vervang.

Die toestand van padpredikante of te wel verkeerstekens het al tot groot frustrasies en misverstande onder motoriste gelei.

Die publiek se hulp is egter baie nodig vir die projek. As jy weet van ‘n kruising waar die stoptekens weg is, of nie meer leesbaar nie, of selfs weggesteek agter boomtakke, skakel asseblief vir Fanie Kruger van AfriForum by 072 989 0901.

Op die manier kan ‘n lys gemaak word van kruisings waar die dringendste aandag nodig is om weer seker te maak daar is die nodige padtekens by kruisings in die dorp.