Oud-Parysenaar is Vaalpark Primêr se nuwe adjunkhoof

’n Oud-Parysenaar, Jannie Erasmus, is vanaf 1 April as Vaalpark Primêr se nuwe adjunkhoof aangestel. Jannie het destyds sy skoolloopbaan in Parys voltooi. Hy is die seun van Jan en Henriëtte Erasmus, twee staatmakers by Parys Primêre skool. Vaalpark het in sy boodskap oor die aanstelling geskryf: “Vaalpark Primêr is opreg saam met hom bly oor die bevorderingspos en sien uit om sy pad, as adjunkhoof, saam met hom te stap. Voorwaar ‘n aanstelling duisend!”