Parys is naweke ‘n gewilde toeristebestemming met die hoofstraat die ene bedrywigheid. Dit is waarom daar weer hierdie Saterdag moue opgerol gaan word om by die Potchefstroom-ingang na die dorp by die spruit op die h/v Breë- en Van Collerstraat skoon te maak.
Die skoonmaakaksie onder leiding van Parys#Selfdoen begin om 08:00. As jy kan help, bring net ‘n paar weggooibare handskoene, ‘n hoed teen die son, harke, spitvurke of selfs ‘n kantsnyer saam. Danksy skoonmaakaksies wat reeds hier deur trotse Parysenaars gedoen is, is dit al heelwat skoner waar dit eens in ‘n vullishoop ontaard het as gevolg van haweloses en verbygangers. Saterdag sal daar ‘n ent verder af by die spruit skoongemaak word. Dankie aan lede van die publiek en die onderskeie organisasies wat reeds begin het om met selfdoen-aksies ‘n verskil te maak.
