ArcelorMittal het vroeër vanmiddag ‘n persverklaring vrygestel waarin die ongeluk by sy Vanderbijlpark-werke bevestig is. In die mediaverklaring  is gesê dat ‘n gedeelte van ‘n 90 m skoorsteen by een van die kooksoonde meegegee het. Dit het op die beheerkamer geval waar drie werknemers besig was. Die drie was ten tyde van die verklaring en die skryf van hierdie berig nog vemis en is vermoed dat hulle vasgevang is onder die puin.

Die ongeluk was omstreeks 02:00 vanoggend, Woensdag 17 Februarie. Die oorsaak van die ongeluk is nog nie vasgestel nie, maar die maatskappy sal ‘n volledige ondersoek loods. Die maatskappy het ook gesê sy eerste prioriteit is om die werkers te vind en na veiligheid te bring. Die area is beveilig.

 

https://vaalweekblad.com/86521/mittal-ongeluk-drie-steeds-vasgekeer/