Dit was ‘n ongelooflike gesig om te sien met sluise wat vandag by die Vaaldam oopgemaak is ingevolge ‘n dringende besluit van departement van water en sanitasie.
Luidens ‘n verklaring wat vroeër deur die departement uitgereik is, was die plan om drie sluise oop te maak en sou ‘n vierde sluis ook indien nodig oopgemaak word.
Vanoggend is die eerste twee sluise reeds oopgemaak en ‘n derde vroeër vanmiddag.
Die damvlak was vanoggend nog op 103% met nog water wat steeds instroom.
Dit is die eerste keer sedert 2018 dat die dam oor die 100% vol is.
