Tarina Naude van Parys is aangewys as een van Vaal Mall se Kerstafel versiering-kompetisie wenners. Vanjaar het beoordelaars die moeilike taak gehad om drie wenners uit die 26 inskrywings te moes aanwys, maar het Tarina se inskrywing beslis iets van die feestelikheid van Kersfees oorgedra waarna die beoordelaars op soek was.
Tarina vertel dat sy onder die naam van haar onderneming, Sweet Insanity Custom Cakes, ingeskryf het.
Enige tipe tafelversiering kon ingeskryf word en het die koek wat sy vir die Kerstafel ingeskryf het, iets mooi vir elkeen wat aan die Kerstafel sit, gehad om na te kyk – van die “Grinch”wat Kersfees gesteel het, tot geskenke, sneeumanne en bome met liggies.
Sy wou hê dat haar inskrywing iets moes hê wat mense weer sou laat glimlag, iets wat die siel opbeur in hierdie uitdagende tye. Haar kreatiwiteit en kunstigheid is beloon met R2 000 prysgeld.
