Bykans 4 000 diere ge-ent teen hondsdolheid
Altesaam 3 972 honde en katte is verlede week in die 4 dae hondsdolheidinentingsveldtog in die groter Parys ge-ent Só sê die Tegnikus van die Veterinêre Diens, mnr Barend Wentink. Die veldtog is geloods nadat ’n positiewe geval van hondsdolheid vroeër vanjaar in die dorp aangemeld is.
Altesaam 3 972 honde en katte is verlede week in die 4 dae hondsdolheidinentingsveldtog in die groter Parys ge-ent Só sê die Tegnikus van die Veterinêre Diens, mnr Barend Wentink. Die veldtog is geloods nadat ’n positiewe geval van hondsdolheid vroeër vanjaar in die dorp aangemeld is.
Op 9 Oktober is 813 diere tydens die veldtog in Parys ge-ent, op 10 Oktober 994 in Parys en Schonkenville, op 11 Oktober 1 303 diere in Tumahole en op 12 Oktober, nog 862 diere in Tumahole.
Volgens mnr. Wentink was die verhouding honde:katte ongeveer 85:15. Dit beteken dat van die bykans 4000 diere is ongeveer 3400 honde en 600 katte geïmmuniseer teen hondsdolheid. Hy sê verder dat na raming 30-35% van die totale hond- en katpopulasie nie tydens die veldtog vir inenting gebring is nie. Daar word vermoed dat ’n gedeelte daarvan reeds tevore deur plaaslike veeartse geënt is.
Mnr. Wentink het almal wat hul samewerking vir die veldtog gegee het bedank, veral die NG en Gereformeerde Kerke asook Koepel Stereo en Radio Lentswe.
