‘n Man en vrou in hul veertigs is vanmiddag (Saterdag 17 Oktober)  ernstig beseer by Vaal Marina nadat die snelboot waarmee hulle op die Vaaldam gery het, en ‘n waterponie gebots het. Volgens ‘n Netcare 911 verslag het die vrou ‘n kopbesering, en die man verskeie ander beserings opgedoen.

Noodhelikopters het die twee ernstig beseerde pasiënte van die toneel vervoer. Die ander insittendes van die boot het minder ernstige beserings gehad en is op die toneel behandel.

Volgens ‘n Netcare 911 woordvoerder het vyf mense ook vandag in die Vaalrivier verdrink toe hul boot omgeslaan het by ‘n toneel naby Spider Valley-weg.

.