Stanley Motha, bekende staatmaker van die Parys-gholfklub, is nou ’n ere-lid van dié klub.
Die besluit is eenparig geneem deur die klub om ook op hierdie manier erkenning te gee aan Stanley vir sy uitsonderlike werk oor die jare.
Hoewel Stanley nou afgetree het, het hy diep spore in Parys se gholfgemeenskap getrap.
Die gholfklub wens hom net die mooiste aftreejare en baie gholf toe.
