Groot skade is Sondagaand aan die setperk by putjie nr. 5 op die Parys Golf & Country Estate se gholfbaan aangerig nadat diesel op die setperk uitgegooi is.
Volgens Jacques Botes het die landgoed se Huiseienaarsvereniging reeds ‘n klag by die polisie gelê en word daar nou ‘n R5 000 beloning aangebied vir inligting wat sal lei tot die inhegtenisname en suksesvolle vervolging van die persoon wat verantwoordelik was vir hierdie skandalige vandalisme.Mense wat inligting het oor die voorval is gevra om (056) 818 1567 te skakel en dan te vra om deurgeskakel te word na die kantoor, of stuur inligting na admin@parysestate.co.za