Anders as wat Parysenaars gewoond is, was dit nie ’n perdeskou of veeveiling wat die naweek in die AfriDome-arena gesien is nie.
Byna 100 motors is oor die naweek getel toe die dorp se inry vir die eerste keer in jare weer in Parys herleef het.
Varslugflieks het die naweek 50 First Dates en Vergeet my nie, onderskeidelik op Vrydag- en Saterdagaand by die AfriDome vertoon.
Vir Parysenaars was dit beslis nie net ’n nuutjie nie, maar ’n ou tradisie met mooi herinneringe vir menige Parysenaars wat weer hier herleef het.
En op 11 en 12 September kry Parysenaars weer die geleentheid om in hul tuisdorp te kan fliek.