Die Vaal River Development Association (VRDA) se aansoek teen Eskom, die Ngwathe Munisipaliteit, die nasionale elektrisiteitsreguleerder Nersa, die Vrystaatse premier, die LUR vir CoGTA en die minister van energiesake, word vanoggend, Dinsdag 25 Augustus, om 10:00, deur regter Millar gehoor tydens ‘n virtuele hofsitting.
Vandag se hofsitting volg nadat regter Collis vroeg in Augustus in die Pretoriase Hoë Hof beslis het dat die VRDA se aansoek aan ‘n regter toegedeel moet word met ’n voorkeur hofdatum. Regter Collis het haar beslissing gemaak weens die kompleksiteit van die saak en beide partye wie se argumente te lank sou duur.
Die aansoek is om ‘n stokkie te steek voor wat gesê word Eskom se eensydige afdwinging van daaglikse rotasie beurtkrag vir Parys, asookNgwathe se aansoek vir die verhoging van sy sogenaamde maksimum gekontrakteerde elektrisiteitsvoorsiening, of te wel die Notifyable Maximum Demand (NMD) wat tot dusver volstrek deur Eskom geweier is.
