Vodacom-kliënte wat die afgelope maande hulp nodig gehad het met van selfoonkontrakte en wat meer, moes tot hul verbasing uitvind dat hulle pleks van die Vodacom hulplyn, toe by die nasionale Covid-19 noodnommer uitgekom het.
Daar sal nou ‘n ander nommer nommer gekry moet word vir die Covid-19 noodnommer nadat dié 111-nommer, wat toe eintlik Vodacom se hulplyn is, in April in die staatskoerant gepubliseer is as synde die gratis nommer om te skakel vir nasionale Covid-19 noodgevalle.
Die nommer sou ook volgens die aanvanklike aankondiging vir drie maande geldig wees.
Die tammeletjie kom daarby dat daar nie vooraf geleentheid was vir klagtes of om met diensverskaffers te praat nie.
Okasa het nou diensverskaffers en die publiek 7 dae kans gegee vir beswaar teen die nommers 103, 104, 105, 106, 18 en 139 wat nou oorweeg word vir Covid-19 verwante noodgevalle.
Die 111 noodnommer word dan onttrek as Covid-19 noodnommer.
