Liezl Scheepers
Inwoners het nou self die hand aan die ploeg geslaan en vir twee volle dae gewerskaf om skoon te maak aan Uniestraat-kant by die Rooidam in Derdelaan.
Volgens Carien Viljoen het sy en Dirk Kotze sr. en jr. besluit om hier te ontbos en skoon te maak, omdat die toegegroeide omgewing by die dam ’n veiligheids- en brandrisiko ingehou het vir mense in dié omgewing.
Boonop het baie dit as ‘n stortingsterrein vir allerlei rommel gebruik.
Hul skoonmaakaksie het reeds vrugte afgewerp en is daar kort nadat daar skoongemaak is, ’n man vir die diefstal van draad in hegtenis geneem. Die arrestasie was ook danksy die vinnige
optrede van sekuriteitspersoneel.
Hulle hoop nou inwoners van Wesstraat en Derdelaan volg hul voorbeeld en help om hier skoon te hou. Dankie aan Coastal Hire wat die bossiekapper vir ’n dag vir
die projek geborg het.
