Die burgerregte organisasie, AfriForum, het verlede week in ‘n verklaring gesê Eskom se bykomende beurtkrag vir munisipaliteite wie se kragrekenings
agterstallig is, is “ongrondwetlik”.
Dit nadat die kragreus verlede week landwyd beurtkrag toegepas het, en Parysenaars vir ure sonder krag was weens beide Eskom se beurtkrag, en munisipale rotasie beurtkrag.
AfriForum het in sy verklaring gesê dat Eskom nie agter ‘n kontraktuele remedie kan skuil en ‘n onbillike proses dan volg deur bykomende beurtkrag toe te pas nie.
Morné Mostert, AfriForum se bestuurder vir plaaslike gemeenskappe, het gewys op die afwesigheid van openbare deelname prosesse, en sê dat daar ander maniere is vir Eskom om druk op munisipaliteite te plaas om hul agterstallige skuld te betaal.
Dr. Eugene Brink, strategiese raadgewer vir Gemeenskapsake by AfriForum, sê Eskom skep nou ’n geval waar hulle die verbruik van elektrisiteit kelder deur
gebruik van die maksimum aanvraag klousule.
Hy sê Eskom kan nie self ‘n situasie skep en dan later hoër tariewe vra nie
