Om aan ’n redenaarskompetisie deel te neem, is inderdaad ook in grendeltyd moontlik.
Vyf leerders van Parys Primêre skool het by wyse van ’n video-inskrywing aan vanjaar se Radikale redenaars- en leeskompetisies deelgeneem en hul baie goed van hul taak gekwyt.
Alouise Supra (graad 3) het ‘n A-simbool vir redenaars en ‘n A+ vir lees gekry.
Vivienne van der Schyff (graad 5) en Henk Small (graad 6) het ook elk met ’n A-simbool vir redenaars gespog.
Dregan Brink (graad 6) het ’n A vir redenaars gekry en ’n A+ vir die leeskompetisie. MW Supra (graad 6) het met ‘n A vir lees geskitter.
Om ’n A-simbool te kon verwerf, beteken dat deelnemers tussen 85% en 89% behaal het, terwyl ’n A+ 90% en hoër is.
