Vanaf 3 April het Parysenaars in totaal alreeds 127 eenhede bloed geskenk by die Suid-Afrikaanse Nasionale Bloeddiens (SANBD) se mobiele skenkersklinieke in die dorp.
Die Bloeddiens het vandeesweek sy dank uitgespreek teenoor elke skenker wat steeds ten spyte van die staat van inperking getrou kom bloed skenk het.
Parysenaars kan weer môre, Dinsdag 21 April, tussen 10:00 en 16:00 hul bydrae gee by die SANBD se mobiele skenkerskliniek op die parkeerterrein by Checkers Parys.
Die mobiele skenkerskliniek sal ook Donderdag 23 April tussen 10:00 en en 16:00 by Checkers wees.
Onthou dat die bloeddiens ‘n essensiële diens lewer tydens die inperkingstyd en dat jy toegelaat sal word om bloed te skenk.
You can read the full story on our App. Download it here.